أندرو ‏فرج

حلم  حلمت حلم السكاري حلمت بجامع وكنيسه وبين الأتنين خماره رفع آذان الفجر ودق جرس باكر وفاشل ماشي يطوح في أيد قزازه وأيد   ماسكه سيجاره خلق ماشيه وخلق بتصلي وخلق عايشه سكاري أيادى بتترفع لرب الكون وأيادي بتهد وأيادي بتقدملك العون وأيادي تسرق وتخون وأيادي الغلابه حيارى في طبق ألمونيه مطبق وشوية فول مسوسين ورغيف حاف لقمه  ناشفه ومش لاقي  يبلعها حتي بخياره كام أيد في طبق تتمد وبمالهم البشوات سهاري عجبي علي وليد أتولد في بلد أغلبها سكارى يا عم ياللي ماشي بتدندن موالك  وماسك بأيدك زماره بتزمر علي حق ضايع ولا علي غلبان غلب نفسه يعفر سيجاره فاكر مع كل نفس  ينفخه يشيل عن همه  وجعه وتطير الغباره وكنيسه وجامع وفرقاهم الخماره أبكي يا بلد علي ولد أتوجع وعاش مع السكارى آه يا حلم سبع تلاف  سنه كانت الحضاره بقي التدين علم مرفوع والحرام بقي شطاره يا ترى اللي جوا الخماره  فايقين ولا المتدينين سكارى وجامع وكنيسه وبين الأتنين خماره          أندرو فرج        عاشق نيلها